బతుకమ్మ దసరా పండుగ వేడుకల్లో భాగంగా మల్యాల మండల కేంద్రంలోని పలు చెరువులు, ఘాట్లను ఎమ్మెల్యే మేడిపల్లి సత్యం పరిశీలించారు. పండుగల నిర్వహణపై మల్యాల గ్రామపంచాయతీ కార్యాలయంలో మంగళవారం అన్ని శాఖల అధికారులతో మీటింగ్ ఏర్పాటు చేశారు. ఈ సందర్భంగా ఆయన మాట్లాడుతూ.. వేడుకల్లో ఎలాంటి ఇబ్బందులు కలగకుండా చూసుకోవాలని, ఘాట్ల వద్ద మంచినీటి సదుపాయం, లైటింగ్ ఏర్పాటు చేయాలని అధికారులకు సూచించారు. ఈ కార్యక్రమంలో ఆనందరెడ్డి, ఆదిరెడ్డి, శ్రీనివాస్ గౌడ్, ప్రతాప్, మల్లేశం, అధికారులు పాల్గొన్నారు.