జోగులాంబ గద్వాల జిల్లా ఉండవల్లి సమీపంలో విజయ్‌ దేవరకొండ కారు ప్రమాదానికి గురైంది. ఆయన కారును బొలెరో వాహనం ఢీకొట్టింది. ఈ ఘటనలో అంతా క్షేమంగానే ఉన్నామని, ఎవరూ కంగారు పడొద్దని విజయ్ దేవరకొండ స్పందించారు. ‘కారుకు చిన్న ప్రమాదం జరిగింది. కానీ మేమంతా బాగానే ఉన్నాం. ఆ తర్వాత స్ట్రెంత్ వర్కౌట్ చేసి ఇప్పుడే ఇంటికి వచ్చాను. కాస్త తలనొప్పిగా ఉంది అంతే. బిర్యానీ తిని నిద్రపోతే అదే ఫిక్స్ అవుతుంది. మీ అందరికీ నా ప్రేమను పంపిస్తున్నా. ఈ వార్తతో ఎవరూ స్ట్రెస్ అవ్వొద్దు’ అని ట్వీట్ చేశారు.