తెలంగాణ సంస్కృతి సంప్రదాయాలను పరిరక్షించుకోవాల్సిన అవసరం ఉందని బీసీ సంక్షేమ సంఘం మహిళా విభాగం రాష్ట్ర ప్రధాన కార్యదర్శి సరోజ సత్యనారాయణ అన్నారు. పెద్దపల్లి మండలం మూలసాల గ్రామంలో గ్రామ పంచాయితీ, సర్పంచ్ జూపాక శ్వేత ఆధ్వర్యంలో ముగ్గుల పోటీలు నిర్వహించారు. మహిళలు పెద్ద సంఖ్యలో పాల్గొని అందమైన రంగవల్లులు అలంకరించి ఆకట్టుకున్నారు. గెలుపొందిన వారికి సర్పంచ్ శ్వేత, బీసీ నాయకురాలు సరోజ బహుమతులు అందజేశారు. కార్యక్రమంలో ఉపసర్పంచ్, వార్డు సభ్యులు, గ్రామస్థులు, మహిళలు పాల్గొన్నారు.