పెద్ద‌ప‌ల్లి మండలం పాలిత గ్రామ రెవెన్యూ శివారులో మట్టి తరలిస్తున్న టిప్పర్లను గ్రామస్థులు, ఉపాధి హామీ కార్మికులు శుక్రవారం అడ్డుకున్నారు. గత ఏడాది ఇదే ప్రాంతంలో ఉపాధి హామీ పథకం కింద తాము పనులు నిర్వహించామని, ఇప్పుడు గుట్టలు త్రవ్వితే తమకు ఉపాధి కోల్పోయే పరిస్థితి ఏర్పడుతుందని కార్మికులు తెలిపారు. మట్టి త్రవ్వకాలను వెంటనే నిలిపివేసి సంబంధిత శాఖ అధికారులు తగిన చర్యలు తీసుకోవాలని వారు కోరారు.