ఆసియా అత్యంత సంపన్నుడుగా అదానీ గ్రూప్‌ అధినేత గౌతమ్‌ అదానీ నిలిచారు. ఆసియా కుబేరుడిగా కొన‌సాగుతున్న రిలయన్స్ అధినేత‌ ముఖేష్‌ అంబానీని వెనక్కి నెట్టాడు అదానీ. బ్లూమ్‌బర్గ్‌ బిలియనీర్స్‌ ఇండెక్స్‌ తాజా గణాంకాల ప్రకారం.. గౌతమ్‌ అదానీ నికర సంపద 92.6 బిలియన్‌ డాలర్లకు చేరుకోవ‌డంతో ఆసియాలో నం.1 కాగా, ప్రపంచంలో 19 ప్లేస్‌కు చేరుకున్నాడు. ముఖేష్‌ 90.8 బిలయన్‌ డాలర్ల సంపదతో ఆసియాలో రెండో స్థానానికి, ప్రపంచవ్యాప్తంగా 20వ స్థానానికి పరిమితమయ్యాడు.