కాటారం: జయశంకర్‌ భూపాలపల్లి జిల్లా నస్తూర్‌పల్లి సభలో సీఎం రేవంత్ మాట్లాడారు. ప్రజాపాలన పోవాలి.. పాపాల భైరవుడు రావాలి అని ఒక పెద్దమనిషి అంటున్నారు. ఫామ్‌హౌస్‌లో పడుకునే పాపాల భైరవుడు మళ్లీ ఎందుకు రావాలి? పాపాల భైరవుడు ఎందుకు రావాలో.. పార్టీ మారుతున్న పెద్దమనిషి చెప్పాలి. జీవన్‌రెడ్డి చరిత్ర, ఆయన వెనకున్న మచ్చలన్నీ నాకు తెలుసు. ఓడిపోయినప్పటికీ ఎన్నోసార్లు పదవులు ఇచ్చి కాంగ్రెస్‌ పార్టీ ఆయన్ను గౌరవించింది. ఏడాది పాటు పదవి లేకపోతే జీవన్‌రెడ్డి కార్యకర్తల గుండెలమీద తన్ని శత్రువు పంచన చేశారు. అని రేవంత్ అన్నారు.
