నిర్మల్‌ జిల్లాలోని పాఠశాలల్లో ముందస్తు బతుకమ్మ సంబరాలు ఘనంగా నిర్వహించారు. రేపటి నుంచి దసరా సెలవులు ప్రారంభం కానుండటంతో వాసవి కిడ్స్‌ స్కూల్‌, విస్డం స్కూల్‌తో పాటు పలు ప్రైవేటు పాఠశాలల్లో విద్యార్థులు బతుకమ్మ వేడుకలు జరుపుకున్నారు. విద్యార్థినులు ఇళ్ల నుంచి పూల బతుకమ్మలను పేర్చి పాఠశాలలకు తీసుకొచ్చి ప్రత్యేక పూజలు నిర్వహించారు. అనంతరం బతుకమ్మ పాటలకు నృత్యాలు చేస్తూ, ఉపాధ్యాయులతో కలిసి ఆటపాటలతో సందడి చేశారు. సంప్రదాయ పండుగను ఉత్సాహంగా జరుపుకోవడంతో పాఠశాలల్లో పండుగ వాతావరణం నెలకొంది.