ఢిల్లీలో జంతర్ మంతర్ వద్ద నిరసనకు బయలుదేరిన కాక్రోచ్ జనతా పార్టీ (CJP) వ్యవస్థాపకుడు అభిజీత్ దీప్కేను పోలీసులు విమానంలోనే అదుపులోకి తీసుకున్నారు. ఆయనతో పాటు పార్టీ సభ్యులు సౌరవ్ దాస్, అశుతోష్ రాంకాలను కూడా అదుపులోకి తీసుకున్నట్లు పార్టీ వెల్లడించింది. ప్రధాన ఎన్నికల కమిషనర్ జ్ఞానేశ్ కుమార్‌కు వ్యతిరేకంగా నిరసన చేపట్టేందుకు వారు ఢిల్లీకి చేరుకున్నారు. పోలీసుల చర్యను సీజేపీ ఖండిస్తూ, తమ నేతలను బేషరతుగా విడుదల చేయాలని డిమాండ్ చేసింది. నిరసన నేపథ్యంలో ఢిల్లీలో భారీ భద్రతా ఏర్పాట్లు చేపట్టారు.