నిర్మల్: జిల్లాలోని నిర్మల్‌, ఖానాపూర్‌, భైంసా ప్రభుత్వ డయాలసిస్‌ కేంద్రాల ద్వారా 141 మంది కిడ్నీ వ్యాధిగ్రస్తులకు నాణ్యమైన వైద్య సేవలు అందిస్తున్నట్లు జిల్లా డయాలసిస్‌ ఇన్‌చార్జి సాయి తేజ తెలిపారు. రోగులకు అవసరమైన మందులు, అర్హులకు ఉచిత బస్‌పాస్‌, నెలవారీ పింఛన్‌ సదుపాయాలు ప్రభుత్వం కల్పిస్తోందన్నారు. నాణ్యత, పరిశుభ్రత, రోగుల సంరక్షణలో ప్రత్యేక గుర్తింపు పొందిన నిర్మల్‌ ప్రభుత్వ ఆసుపత్రి డయాలసిస్‌ యూనిట్‌ మూడుసార్లు అవార్డులు సాధించడం గర్వకారణమన్నారు. రోగులు వైద్యుల సూచనలు పాటిస్తూ, డయాలసిస్‌ సెషన్లను క్రమం తప్పకుండా చేయించుకోవాలని, ప్రభుత్వ సేవలను సద్వినియోగం చేసుకోవాలని సూచించారు.