మల్యాల మండలం తాటిపల్లి గ్రామంలో గురువారం అయ్యప్ప స్వామి పడిపూజ ఘనంగా నిర్వహించారు. సిరిపురం బ్రదర్స్ ఆధ్వర్యంలో స్థానిక రెడ్డి ఫంక్షన్ హాల్లో గురుస్వామి లక్ష్మీనారాయణ గారిచే సామూహిక మహా పడిపూజ మహోత్సవం నిర్వహించారు. స్వామివారికి పదునెట్టంబడి వైభవంగా జరిపించారు. దీక్షాపరులు పెద్ద ఎత్తున పాల్గొనడంతో ఆ ప్రాంతం అయ్యప్ప నామస్మరణతో మారుమ్రోగింది. అనంతరం స్వాములకు మహాభిక్ష ఏర్పాటు చేశారు. ఈ కార్యక్రమంలో స్వాములు, భక్తులు, గ్రామ ప్రజలు పాల్గొన్నారు.