తెలంగాణ రాష్ట్ర వ్యాప్తంగా శుక్ర‌వారం నుంచి 10వ త‌ర‌గ‌తి ప‌రీక్ష‌లు ప్రారంభం అయ్యాయి. విద్యా శాఖ ఆధ్వ‌ర్యంలో భారీ ఎత్తున ఏర్పాట్లు చేశారు. ఈ ప‌రీక్ష‌లు మార్చి 21 నుంచి వ‌చ్చే నెల ఏప్రిల్ 4వ తేదీ వ‌ర‌కు కొన‌సాగుతాయి. ప‌రీక్ష‌లు ఉద‌యం 9.30 గంట‌ల‌కు ప్రారంభ‌మై మ‌ధ్యాహ్నం 12.30 గంట‌ల‌కు జ‌రుగుతాయి. 21న ఫ‌స్ట్ లాంగ్వేజ్, 22న సెకండ్ లాంగ్వేజ్, 24న ఇంగ్లీష్ , 26న మ్యాథ్స్ , 28న ఫిజిక‌ల్ సైన్స్ , 29న బ‌యోలాజిక‌ల్ సైన్స్ , ఏప్రిల్ 2న సోష‌ల్ స్ట‌డీస్ , ఏప్రిల్ 3న ఒకేష‌న‌ల్ కోర్సు పేప‌ర్ -1 లాంగ్వేజ్, 4న ఒకేష‌న‌ల్ కోర్సు , పేప‌ర్ -2 లాంగ్వేజ్ ప‌రీక్ష జ‌రుగుతుంది. విద్యార్థులు నిర్దేశించిన స‌మ‌యాని కంటే ముందే చేరుకోవాలి. సీసీటీవీ కెమెరాల‌తో పాటు భారీ బందోబ‌స్తు ఏర్పాటు చేశారు.