కోరుట్ల (మం) మాదాపూర్ గ్రామపంచాయతీ అభివృద్ధి అంశాలపై మాట్లాడినందుకు మాజీ MPTC జంగ శ్రీహరిపై సర్పంచ్ భర్త దేవేందర్ దాడి చేసిన సంఘటన గ్రామంలో చర్చనీయాంశమైంది. గ్రామ అభివృద్ధి కోసం శ్రీహరి గ్రామ సెక్రటరీతో మాట్లాడుతున్న సమయంలో ఈ ఘటన చోటుచేసుకున్నట్లు సమాచారం. ఆ సమయంలో వెనుక నుంచి వచ్చిన దేవేందర్, శ్రీహరిపై దౌర్జన్యంగా ప్రవర్తించి చెంపపై కొట్టడంతో పాటు పిడిగుద్దులు గుద్దినట్లు ప్రత్యక్ష సాక్షులు తెలిపారు. ఈ దాడిలో శ్రీహరికి గాయాలైనట్లు తెలిసింది.