గిద్దలూరు: గిద్దలూరు మున్సిపల్ ఎన్నికలు ఆసక్తికరంగా మారుతున్నాయి. నామినేషన్ల ప్రక్రియలో భాగంగా సీపీఎం పార్టీ తరఫున 21వ వార్డు అభ్యర్థిగా దద్దనాల శ్రీనివాసులు నామినేషన్ దాఖలు చేశారు. గిద్దలూరు మున్సిపల్ ఎన్నికల బరిలో కమ్యూనిస్టు పార్టీలు తొలిసారిగా పాల్గొంటుండటం ప్రాధాన్యం సంతరించుకుంది. ఈ ఎన్నికల ద్వారా కమ్యూనిస్టు పార్టీలు స్థానిక రాజకీయాల్లో తమ ప్రాతినిధ్యాన్ని చాటుకునే ప్రయత్నం చేస్తున్నాయి. శ్రీనివాసులు పోటీతో 21వ వార్డులో ఎన్నికల సందడి నెలకొంది.