నవీపేట మండల కేంద్రంలో మేకల సంత వ్యాపారులు, వినియోగదారులతో కిక్కిరిసింది. మంగళ, బుధవారాలలో సంక్రాంతి బోగి, కనుమ పండగ సంబరాలు జరుగనుండటంతో ఒక్కసారిగా క్రయవిక్రయాలు ఊపందుకున్నాయి. కనుమ రోజున ప్రత్యేకంగా మాంసాహార విందు భోజనానికి ఆనవాయితీగా ప్రాధాన్యతనివ్వడంతో మేకల సంతలో సందడి నెలకొంది. మహారాష్ట్ర, కర్ణాటక, ఆంధ్రప్రదేశ్‌లకు చెందిన వ్యాపారులు శుక్రవారం రాత్రే సంతకు చేరుకున్నారు. సంత ప్రాంగణం ఇరుకుగా ఉండగా, బాసర రహదారికి ఇరువైపుల క్రయవిక్రయాలు జరగడంతో ట్రాఫిక్‌కు అంతరాయం కలిగింది.