కోనసీమ జిల్లా మండపేట మండలం వెలగతోడు గ్రామం జిల్లా పరిషత్ ఉన్నత పాఠశాలలో 2015-2016 బ్యాచ్కు చెందిన పదో తరగతి విద్యార్థుల ఆత్మీయ సమ్మేళనం అంగరంగ వైభవంగా సంక్రాంతి సంబరాలు తలపించే విధంగా జరిగింది. పూర్వ విద్యార్థులంతా ఒకచోట చేరి గత స్మృతులను, జ్ఞాపకాలను నెమరువేసుకున్నారు. ఒకరునొకరు ఆలింగనం చేసుకుని, ఆప్యాయంగా పలకరించుకున్నారు. తమ స్థితిగతులను ఒకరితో ఒకరు పంచుకున్నారు. పిల్లాపాపలతో కుటుంబ సమేతంగా ఉత్సాహంగా, ఉల్లాసంగా స్కూలు గ్రౌండ్లో కాలం గడిపారు.