దేశంలో ర‌హ‌దారుల అభివృద్దికి విస్తృతంగా కృషి చేస్తున్నామ‌ని చెప్పారు కేంద్ర మంత్రి నితిన్ గ‌డ్క‌రి. అమెరికా ధనిక దేశం కాబట్టి అక్కడి రోడ్లు బాగున్నాయని కాదు, అమెరికన్ రోడ్లు బాగున్నాయి కాబట్టే ఆ దేశం ధనిక దేశం అయ్యింద‌న్నారు. తెలంగాణ ప్రభుత్వంతో కలిసి రాష్ట్రంలో నాణ్యమైన రహదారులు అభివృద్ధి చేస్తామని ప్ర‌క‌టించారు. నూత‌నంగా నిర్మించిన ఫ్లై ఓవ‌ర్ ను ఆయ‌న ప్రారంభించారు హైద‌రాబాద్ లో.