ఆపరేషన్ సింధూర్ పై స్పందించారు తెలంగాణ తొలి సీఎం కేసీఆర్. భారత సైన్యం ప్రదర్శించిన సైనిక పాటవానికి ఒక భారతీయుడిగా గర్వపడుతున్నానని వెల్లడించారు. ఉగ్రవాదం, ఉన్మాదం ఏరూపంలో వున్నా, ఏ దేశంలో వున్నా, ప్రపంచ మానవాళికి నష్టం కలిగించేదే తప్ప లాభం చేకూర్చేది కాదన్నారు. ఖచ్చితంగా ఉగ్రవాదం అంతం కావాల్సిందేన‌ని అన్నారు. ఈ విషయంలో పాజిటివ్‌గా ఆలోచించే ప్రపంచ శక్తులన్నీ ఏకమై, ఉగ్రవాదాన్ని అంత మొందిస్తేనే శాంతి సామరస్యాలు నెలకొంటాయన్నారు.