తెలంగాణ రాష్ట్రం పైన కేంద్ర ప్రభుత్వం ప్రత్యేకమైన దృష్టిని సారించింది. రాష్ట్రంలో జాతీయ రహదారులను విస్తరించేందుకు శతవిధాలా ప్రయత్నిస్తోంది. రోడ్డు రవాణా వ్యవస్థ రాష్ట్ర ప్రగతిని పరుగులు పెట్టిస్తున్న బలంగా నమ్ముతున్న కేంద్రం రహదారుల విస్తరణను లక్ష్యంగా పెట్టుకుంది. ఈ క్రమంలో ఉత్తర తెలంగాణ జిల్లాలకు కొత్త గ్రీన్ ఫీల్డ్ ఎక్స్ప్రెస్ హైవే కావాలని తెలంగాణ ప్రభుత్వం పెట్టిన ప్రతిపాదనలను కూడా కేంద్రం ఆమోదిస్తుందని తెలంగాణ సర్కార్ భావిస్తోంది.