బాసరలో నేటి నుండి వసంత పంచమి ఉత్సవాలు ప్రారంభమయ్యాయి. ఆలయ వైదిక బృందం వేకువ జామున సరస్వతి మహాలక్ష్మి, మహాకాలి అమ్మవార్లకు ప్రత్యేక పూజలు నిర్వహించిన అనంతరం వసంతపంచమి ఉత్సవాలకు అంకురార్పణ చేశారు. ఉత్సవాలలో భాగంగా ఈరోజు ఉదయం 10 గంటలకు గరికపాటి నరసింహ రావుతో ఆధ్యాత్మిక ప్రవచనాలు ఏర్పాటు చేశారు. నేటి నుండి 3 రోజుల పాటు నిరంతర అన్నదానం జరుగుతుందని ఆలయ సిబ్బంది తెలిపారు.