ఖానాపూర్: నిర్మల్ జిల్లా మహిళా కాంగ్రెస్ అధ్యక్షురాలు దుర్గాభవాని, హర్దీప్ సింగ్, ఎఫ్-స్టీన్ కు గల సంబంధం ఏమిటని మోడీని సూటిగా ప్రశ్నించారు. మహిళలను కిడ్నాప్ చేసి దారుణంగా అత్యాచారాలకు పాల్పడే వారితో సింగ్ కు ఉన్న సంబంధాలపై ఎఫ్-స్టీన్ ఫైల్స్‌లో లక్షల ఈమెయిల్స్ ఉన్నాయని ఆమె ఆరోపించారు. ఈ వాస్తవాలన్నీ తెలిసినా కూడా ప్రధాని మోడీ ఆయనను ఎందుకు బర్తరఫ్ చేయకుండా చూసీచూడనట్లు ప్రవర్తిస్తున్నారని తీవ్రంగా మండిపడ్డారు. వివాదాస్పదమైన హర్దీప్ సింగ్ ను వెంటనే సస్పెండ్ చేయాలని, కాంగ్రెస్ పార్టీ ఆధ్వర్యంలో దేశవ్యాప్తంగా పెద్ద ఎత్తున ఉద్యమాలు చేస్తామని హెచ్చరించారు.