ICC టీ20 ప్రపంచకప్ 2026 ఫైనల్ పోరులో భారత్, న్యూజిలాండ్ జట్లు అమీతుమీ తేల్చుకోనున్నాయి. అహ్మదాబాద్‌ నరేంద్ర మోదీ స్టేడియంలో టీమిండియా ఖాతాలో అరుదైన రికార్డులు చేరనున్నాయి. టీ20 ప్రపంచకప్‌ను 3 సార్లు గెలిచిన తొలి జట్టుగా, టైటిల్‌ను డిఫెండ్ చేసుకున్న (వరుసగా 2సార్లు గెలిచిన) తొలి జట్టుగా, సొంతగడ్డపై కప్పు గెలిచిన తొలి ఆతిథ్య జట్టుగా భారత్ అవతరించే అవకాశం. ఐతే, టీ20 ప్రపంచకప్ చరిత్రలో న్యూజిలాండ్‌పై భారత్ ఒక్కసారి కూడా గెలవలేదు. ఆ రికార్డును తిరగరాస్తారో లేదో చూడాలి.