జూలపల్లి మండలం వడ్కాపూర్ మత్స పారిశ్రామిక సహకార సంఘం పరిధిలోని చెరువుల్లో చేపలు పట్టుకోనివ్వకుండా వెంకట్రావుపల్లి సర్పంచ్ భర్తతో పాటు అతని అనుచరులు ఆటంకాలు కల్గిస్తున్నారని మత్స్యకారులు ఆరోపించారు. తమను భయభ్రాంతులకు గురిచేస్తూ బెదిరింపులకు పాల్పడుతున్నారని తెలిపారు. ఈ నేపథ్యంలో చర్యలు తీసుకోవాలని కోరుతూ వడ్కాపూర్ మత్స పారిశ్రామిక సహకార సంఘం కార్యవర్గం, సభ్యులు పెద్దపల్లి జిల్లా కలెక్టర్‌కు ప్రజావాణి కార్యక్రమంలో వినతిపత్రం సమర్పించారు.