టీ20 వరల్డ్‌ కప్‌ 2026ను అందుకున్న టీమ్‌ఇండియాకు BCCI రూ.131 కోట్ల భారీ నజరానాను ప్రకటించింది. 2024లోనూ రోహిత్‌ శర్మ కెప్టెన్సీలో టీమ్‌ఇండియా టీ20 వరల్డ్‌కప్‌ టైటిల్‌ను సొంతం చేసుకొన్న సమయంలో BCCI రూ.125 కోట్లను బహుమతిగా ప్రకటించింది. ప్రస్తుతం మరో 6 కోట్ల రూపాయలను పెంచింది. టీ20 ప్రపంచకప్‌ 2026 విజేతగా నిలిచిన తర్వాత టీమ్‌ఇండియాకు ICC రూ.21.5 కోట్లను బహుమతిగా ప్రకటించిన విషయం తెలిసిందే. రన్నరప్‌గా నిలిచిన న్యూజిలాండ్‌ రూ.10.75 కోట్లు దక్కించుకోనుంది.