కోరుట్ల పట్టణంలో ఆర్టీసీ బస్సు ఓ కారును ఢీకొన్న ఘటన స్థానికంగా చర్చనీయాంశమైంది. స్థానికుల వివరాల ప్రకారం, కోరుట్ల ఆర్టీసీ బస్ స్టాండ్ అవుట్ గేట్ నుండి బయటకు వస్తున్న వరంగల్-1 డిపోకు చెందిన TS 24 TA 0941 నంబరు గల ఆర్టీసీ బస్సు, ముందు వెళ్తున్న TS 09 EP 4239 నంబరు గల కారును వెనుక నుంచి ఢీకొట్టింది. ఈ ప్రమాదంలో కారుకు తీవ్ర నష్టం వాటిల్లింది. అయితే కారులో ఉన్న వారు అదృష్టవశాత్తూ ఎలాంటి గాయాలు లేకుండా బయటపడ్డారు.