నిర్మల్ పట్టణంలోని వాల్మీకినగర్ శ్రీరామాలయంలో శ్రీరామనవమి ఉత్సవాలు ఘనంగా నిర్వహించారు. శ్రీ సీతారాముల కల్యాణోత్సవానికి ముందుగా రాములవారిని పెళ్లికొడుకుగా, సీతమ్మవారిని పెళ్లికూతురుగా అలంకరించారు. అనంతరం కళ్యాణానికి అవసరమైన తలంబ్రాలు, మంగళసూత్రం, జీలకర్ర–బెల్లం వంటి సంప్రదాయ ఏర్పాట్లు భక్తుల సమక్షంలో సిద్ధం చేశారు. ఈ కార్యక్రమంలో భారీ సంఖ్యలో భక్తులు పాల్గొని భక్తిశ్రద్ధలతో ప్రార్థనలు నిర్వహించారు.