హైదరాబాద్‌ పాతబస్తీకి చెందిన సూర్యాభాయ్‌ అలియాస్‌ పల్లపు సురేశ్‌కుమార్‌ ఒంటిపై 3 కిలోల బంగారం ధరించి సోషల్‌మీడియాలో ప్రసిద్ధి పొందాడు. అయితే ఆదాయపన్నుశాఖ విచారణలో అవి నిజమైన బంగారం కాదని, గోల్డ్‌పూత ఆభరణాలని తేలింది. మరో గోల్డ్‌మ్యాన్‌ కొండా విజయ్‌కుమార్‌ విచారణలో లభించిన సమాచారంతో ఈ విషయం వెలుగులోకి వచ్చింది. సూర్యాభాయ్‌ ధరించిన 32 సెట్ల ఆభరణాల విలువ కేవలం రూ.3 లక్షలేనని అధికారులు తెలిపారు. పాపులారిటీ కోసమే ఇలా చేశాడని వెల్లడించారు.