గుజరాత్‌: ఛోటా ఉదైపూర్ జిల్లా రస్లీ గ్రామంలో తండ్రి ధైర్యసాహసం ప్రదర్శించి చిరుత నోట్లో చిక్కుకున్న నాలుగేళ్ల కుమార్తెను ప్రాణాలతో కాపాడాడు. సురేష్ రాథ్వా కుమార్తె ఇంటి వెనుక ఆడుకుంటుండగా అడవిలో నుంచి వచ్చిన చిరుత ఆమెను నోట కరుచుకుని తీసుకెళ్లేందుకు ప్రయత్నించింది. సురేష్ చిరుతపైకి దూకి ఒట్టి చేతులతో పోరాడి బిడ్డను విడిపించాడు. ఈ ఘటనలో బాలికకు ముఖం, మెడ వద్ద గాయాలు కాగా చికిత్స పొందుతోంది. సురేష్‌కు స్వల్ప గాయాలయ్యాయి. ఇద్దరూ ప్రమాదం నుంచి బయటపడ్డారు.