దమ్మపేట పోలీస్ స్టేషన్‌లో నూతన ఎస్‌ఐగా బాధ్యతలు స్వీకరించిన బి. రాజేష్, ఎమ్మెల్యే జారే ఆదినారాయ‌ణ‌ను గండుగులపల్లి క్యాంపు కార్యాలయంలో కలిశారు. ఈ సందర్భంగా ఎమ్మెల్యే ఆయనకు శుభాకాంక్షలు తెలియజేస్తూ ప్రజలకు అందుబాటులో ఉండి న్యాయపరంగా, పక్షపాతం లేకుండా పారదర్శక సేవలు అందించాలని సూచించారు. అశ్వారావుపేట నియోజకవర్గంలో శాంతిభద్రతల పరిరక్షణలో పోలీస్ శాఖ కీలకపాత్ర పోషిస్తోందన్నారు. ప్రజల భద్రత, సామాజిక ప్రశాంతత కోసం పోలీస్ అధికారులు ప్రజలతో సమన్వయంతో పనిచేయాలని కోరారు.