బీఆర్ఎస్ పార్టీకి, అలాగే పాల్వంచ కో-ఆపరేటివ్ సొసైటీ వైస్ చైర్మన్ పదవికి కంపెల్లి కనకేష్ రాజీనామా చేశారు. కొత్తగూడెం నియోజకవర్గంలో పార్టీకి తీవ్ర నాయకత్వ లోపం ఉండటం, సరైన నాయకత్వం లేకపోవడం వల్లే ఈ నిర్ణయం తీసుకున్నట్లు ఆయన తెలిపారు. తన రాజీనామా లేఖలను బీఆర్ఎస్ అధినేత కేసీఆర్, కార్యనిర్వాహక అధ్యక్షుడు కేటీఆర్, ఎంపీ వద్దిరాజు రవిచంద్రకు పంపించినట్లు వెల్లడించారు. ప్రస్తుతం తాను రాజకీయాలకు దూరంగా ఉండాలని నిర్ణయించుకున్నట్లు కనకేష్ పేర్కొన్నారు.