హైదరాబాద్‌లో జనసేన నవ నిర్మాణ సభకు అనుమతి ఇవ్వాలని కోరుతూ హైకోర్టును ఆశ్రయించిన ఆ పార్టీకి ఎదురుదెబ్బ తగిలింది. సభ నిర్వహణకు తెలంగాణ పోలీసులు అనుమతి నిరాకరించడంతో జనసేన నేతలు హౌస్ మోషన్ పిటిషన్ దాఖలు చేశారు. కోర్టులకు వేసవి సెలవుల నేపథ్యంలో పిటిషన్‌ను పరిశీలించిన రిజిస్ట్రీ, ఇది అత్యవసర విచారణ అంశం కాదని తిరస్కరించింది. అంతకు ముందు సైబరాబాద్ పోలీసులు వివిధ కారణాలు చూపుతూ సభకు అనుమతి నిరాకరించారు. పోలీసుల నిర్ణయాన్ని సవాల్ చేస్తూ జనసేన కోర్టును ఆశ్రయించినప్పటికీ ఉపశమనం లభించలేదు.