కృష్ణ మండల పరిధిలోని ఖాన్‌దొడ్డి గ్రామంలో తెలంగాణ అవతరణ దినోత్సవ వేడుకలను మాజీ ఉపసర్పంచ్ సంగోల అశోక్ ఆధ్వర్యంలో ఘనంగా నిర్వహించారు. ఈ కార్యక్రమానికి ముఖ్య అతిథిగా హాజరైన సంగోల అశోక్ మాట్లాడుతూ నీళ్లు, నిధులు, నియామకాలలో తెలంగాణకు వాటా దక్కాలనే లక్ష్యంతో జరిగిన ఉద్యమ ఫలితంగానే తెలంగాణ రాష్ట్రం 2014 జూన్ 2న ఆవిర్భవించిందన్నారు. అప్పటి నుంచి ఈ రోజును ప్రత్యేకంగా జరుపుకుంటున్నామని పేర్కొన్నారు. కార్యక్రమంలో మాజీ సర్పంచ్ జయలక్ష్మి, తిప్పయ్య, బీఆర్ఎస్ నాయకులు, గ్రామ ప్రజలు పాల్గొని వేడుకలను విజయవంతం చేశారు.