హైదరాబాద్‌లోని మణికొండలో జనసేన తెలంగాణ రాష్ట్ర కార్యాలయాన్ని పార్టీ అధినేత, ఏపీ డిఫ్యూటీ సీఎం పవన్ కల్యాణ్ ప్రారంభించారు. మల్కం చెరువు సమీపంలో ఏర్పాటు చేసిన కార్యాలయంలో పూజా కార్యక్రమాలు నిర్వహించి పార్టీ జెండాను ఆవిష్కరించారు. తెలంగాణ తల్లి చిత్రపటానికి నివాళులర్పించారు. పార్టీ నాయకులు, కార్యకర్తలతో సమావేశమయ్యారు. జీహెచ్ఎంసీ ఎన్నికలను దృష్టిలో ఉంచుకుని తెలంగాణలో పార్టీని క్షేత్రస్థాయిలో బలోపేతం చేయడమే లక్ష్యంగా ఈ కార్యాలయాన్ని ఏర్పాటు చేసినట్లు నాయకులు తెలిపారు.