తెలంగాణలో ఓటర్ల ప్రత్యేక సమగ్ర సవరణ (సర్‌) సర్వే గడువును కేంద్ర ఎన్నికల సంఘం మరో 10 రోజులు పొడిగించింది. పూర్తి చేసిన ఎన్యూమరేషన్‌ పత్రాలను BLOలకు అందించే గడువును జులై 24 నుంచి ఆగస్టు 3 వరకు పెంచింది. గ్రేటర్‌ హైదరాబాద్‌ పరిధిలో పత్రాల సేకరణ నెమ్మదిగా సాగుతుండటంతో, గడువు పెంచాలని రాజకీయ పార్టీలు చేసిన విజ్ఞప్తి మేరకు ఈ నిర్ణయం తీసుకున్నారు. ఈ గడువు పెంపుతో ముసాయిదా ఓటర్ల జాబితాను జులై 31కి బదులుగా ఆగస్టు 10న ప్రచురించనున్నారు. కొత్త ఓటర్ల నమోదు, చిరునామా మార్పుల కోసం దరఖాస్తు చేసుకునే వారు (ఫారం-6, ఫారం-8) ఆగస్టు 10 తర్వాత సమర్పించాల్సి ఉంటుందని CEO సుదర్శన్‌రెడ్డి తెలిపారు.