బుచ్చియ్యపేట మండలం వీఎస్‌ఆర్ చారిటబుల్ ట్రస్ట్ ఆధ్వర్యంలో కొర్ని సూర్య ప్రకాష్ పుట్టినరోజు సందర్భంగా శనివారం అన్నదాన కార్యక్రమం నిర్వహించారు. రావికమతం ప్రాంతంలో రోడ్డు పక్కన ఉన్న నిరుపేదలు, వికలాంగులకు కుటుంబ సభ్యులతో కలిసి భోజనం పంపిణీ చేశారు. ఈ సందర్భంగా సూర్య ప్రకాష్‌కు పలువురు పుట్టినరోజు శుభాకాంక్షలు తెలిపారు. తన పుట్టినరోజు సందర్భంగా నిరుపేదలకు అన్నదానం చేయడం ఎంతో సంతోషంగా ఉందని సూర్య ప్రకాష్ పేర్కొన్నారు.