www.breakingnow.app | Sat, 21 Nov 2026
BIG NEWS Delhi, New Delhi

ఈసీకి సుప్రీంకోర్టు చీవాట్లు

Share:
128 Views
ఈసీకి సుప్రీంకోర్టు చీవాట్లు

దిల్లీ: ఓటర్ల జాబితాల ప్రత్యేక సమగ్ర సవరణ ప్రక్రియలో పేర్ల తొలగింపుపై సుప్రీంకోర్టు ఎన్నికల సంఘాన్ని ప్రశ్నించింది. గడువులోగా ఎన్యుమరేషన్‌ ఫారాలు సమర్పించలేదనే కారణంతో ఓటర్ల పేర్లు తొలగించడం సరికాదని ధర్మాసనం వ్యాఖ్యానించింది. చిరునామాలు మారిన ఓటర్లకు కొత్త ఓటర్ల మాదిరిగా ఫారం-6 నింపాలని సూచించడాన్ని తప్పుబట్టింది. దినసరి కూలీలు తరచూ నివాసాలు మారుస్తుంటారని, వారి సమస్యలను పరిగణనలోకి తీసుకోవాలని పేర్కొంది. ఓటర్లు అధికారుల వద్దకు రావడం కంటే, అధికారులే వారి వద్దకు వెళ్లాలని, ఓటర్ల జాబితాలో పేర్ల పునరుద్ధరణ ప్రక్రియను సులభతరం చేయాలని ఆదేశించింది. ముసాయిదా జాబితా నుంచి లక్షలాది మంది పేర్ల తొలగింపును సవాల్‌ చేస్తూ దాఖలైన పిటిషన్‌పై విచారణ సందర్భంగా ఈ వ్యాఖ్యలు చేసింది.

B.
Get instant news alerts in 60 words!

Download Breaking Now App on your smartphone.